極邪惡極好味本地製作曲奇-大坑 Cookie Vission

想去大坑嘅Cookie Vission曲奇餅店好耐，因為聽講佢係曲奇界入邊好出名嘅店舖，上星期終於有機會。😆

店舖喺浣紗街，好易認好易搵，遠遠就會見到以綠色做主色裝修嘅舖頭，店前上面仲有大大個Cookie Vission logo招牌。店舖面積比較細，店前大大嘅落地玻璃窗，客人喺門口就見到店入邊餅櫃擺滿唔同嘅曲奇🤤 而喺櫃檯後面，有個好大嘅玻璃窗，可以睇到廚房裡面師傅喺到整曲奇餅。窗邊有高嘅長桌，客人可以企係到食，餅櫃前有靠窗長櫈可以坐低同朋友一齊食曲奇餅互相分享。

店員好nice，諗唔到食咩味可以問店員介紹，一定揀到你鐘意嘅口味😆我就揀咗以下我鐘意嘅口味🥰

～ Matcha Macadamia Cookie
首先試嘅係Matcha Macadamia Cookie，佢嘅外形好靚，深綠色嘅曲奇餅表面混合咗啲夏威夷果仁碎。size 好大，有成個拳頭咁大。而咬落去抹茶味好香濃，仲食到啲夏威夷果仁，果然係真材實料🤤 抹茶同夏威夷果仁嘅味道好搭配，內裡仲有流心嘅抹茶醬，mix埋口感更多層次，食完一啖又想再食另一啖😆

～ HAZENUT NUTELA Cookie
然後試嘅係Hazelnut NUTELA Cookie，聽個名字已經流晒口水，一定係有好多🤤NUTELA朱古力醬！嗰塊曲奇餅好大隻，表面有啲果仁碎，搣開發現混入咗不少果仁粒，中間係滿滿嘅NUTELA朱古力醬，仲有流心效果🤤入口榛子味好香濃，又有果仁嘅香味，好甜好邪惡👿，只係一次過吃嘅話會有啲膩，不過係好味嘅！😋

～ Apple Crumble Donut
最後食嘅係Apple Crumble Donut，呢個係Donut新出嘅口味，圓圓嘅冇咗中間個窿，係因為入面有甜美嘅蘋果餡料。 Donut個外表已經好吸引，圓圓漲漲咁，仲有少少金黃色嘅曲奇碎🤤。切開後即刻流出好香嘅蘋果餡料。食落去，donut好軟熟，同蘋果餡料好夾好香甜，帶有微微嘅酸味，好有層次感。😍

Cookie Vission
地址：
大坑浣紗街6號全興樓地舖

推介度：⭐️⭐️⭐️⭐️/5⭐️

#甜品 #dessert #曲奇 #Cookie #CookieVission #邪惡 #cafe #大坑 #熱門菜式 #打卡 #攻略 #chill #週末 #下次要再食